/ Actualidad / Turismo / Tolosa Gourmet /
Tolosa Gourmet klubeko bazkide diren ekoizle eta jatetxeekin abuzturako eta irailerako eskaintza berezia osatu da.
Astebururo ekoizleren bati bisita egin eta produktu horiekin osatutako otordua egiteko aukera eskainiko da. Zortzi bisita egiteko aukera izango da, bertako produktu ezberdinetara gerturatuz: gozoa, babarruna, piparra, euskal txerria, esnekiak, sagardoa eta txakolina.
Talde mugatutan eta osasun neurriak betez, ekoizle gehienak landa ingurunean egonik, aisiarako aukera erakargarria izatea espero dugu.
En la crisis sanitaria ha cobrado especial importancia la conciencia de tener que consumir productos locales. Nos hemos dado cuenta de que es necesaria la implicación de toda la cadena alimentaria y de los consumidores, tanto por su impacto positivo en el medio ambiente como por la necesidad del cuidado mutuo de la comunidad. Tolosaldea es un ejemplo de trabajo, por lo que desde el turismo queremos hacer nuestra aportación para dar a conocer los productos locales y los procesos productivos y las personas que están detrás de ellos. Por supuesto, sin olvidarnos de nuestros cocineros, que son los mejores prescriptores de estos productos.
Eskuorri bat prestatu da alojamenduetan, jatetxeetan eta turismo bulegoetan banatzeko. Online eta offline iragarkiak ere jarri dira martxan EAE, Nafarroa eta Iparraldeari begira. Beraz, bertan geratzea erabaki dutenentzat nahiz kanpotik datozenentzat, aisiaz gozatzeko aukera paregabe honetara gonbidatu nahi ditugu.
Programa
Gozoa: txokolatearen jatorrira bidaia Rafa Gorrotxategi Museo berrira bisita eta dastaketa. Abuztuak 1, larunbata 📍 Tolosa | 10€
Babarruna: perla beltzaren ingurune pribilegiatua Urkizuko babarrun landaketa batera bisita. Abuztuak 8, larunbata 📍 Urkizu, Tolosa | 10€
Babarrun-jatea: mahaiaren bueltako ohitura herrikoia Urkizuko babarrun landaketa batera bisita eta babarrun-jatea HIKAn. Abuztuak 8, larunbata 📍 Urkizu, Tolosa 📍 Amasa | 45,2€
Ibarrako piparra: Udako produktu izarraren aniztasuna Txumitxaren pipar landaketara bisita eta dastaketa. Abuztuak 16, igandea 📍 Ibarra | 10€ Esnekiak: Txindoki magaleko landa-bizitza Orendaingo Larreta baserrira bisita eta dastaketa. Abuztuak 22, larunbata 📍 Orendain | 10€
Euskal Txerria: Bertako arraza berreskuratuz Izaskungo Damasoro etxaldera bisita eta dastaketa. Abuztuak 30, igandea 📍 Izaskun, Ibarra | 10€
Sagardoa: barneratu sagardoaren kulturan Aburuzako sagastietara bisita eta bazkaria sagardotegian Irailak 5, larunbata 📍 Aduna | 40€
Txakolina: tradizioa eta berritasuna, elegantziarekin HIKA Txakolindegiko mahastietara bisita eta bazkaria Irailak 12, larunbata 📍 Amasa | 57,2€
Txakolina: barnealdeko txakolinaren berezitasuna Inazio Urruzola txakolindegira bisita eta bazkaria upategian Irailak 19, larunbata 📍 Alkiza | 55€
Erreserbak Turismo bulegoan egin ahal izango dira, baita 943 697 413 telefono zenbakira deituta, tour@tolosaldea.eus helbidera email bat idatzita, edota tolosaldea.eus webgunean izena emateko inprimakia beteta.
Azkenik, jatetxe eta ekoizle guztien zerrenda, prezioak eta itxierak jasotzen dituen gida berritua ere argitaratu da, bisitariari eskualdeko eskaintza gastronomiko osoa ezagutarazteko tresna gisa.
Elkarlanean, egoerari aurre egiteko
Ekoizleak, ostalariak eta entitate publikoak, guztiok elkarrekin, egoera honi aurre egiteko ahaleginean gaude, eta horrela jarraituko dugu, beti ere, neurri guztiak bermaturik lan eginez. Eta zentzu horretan, bertakoei nahiz bisitariei begira, sektore osoaren konpromiso irmoa irudikatu nahi izan da.
