/ Aktualitatea / Proyectos estratégicos / ZTIAM / BiziLabe zientzia-tailerrak Tolosaldeko beste bost herritara zabalduko dira martxoan zehar
Tailer horiek BiziLabe Tolosaldean egiten den lana gertutik ezagutzeko aukera emango dute.
Hain zuzen, STEAM-ZTIAM (Zientzia, Teknologia, Ingeniaritza, Artea eta Matematika) alorretan gazteak trebatzeko aisialdi giroko hezkuntza egitasmoa da BiziLabe, Tolosaldea Garatzenek eta Elhuyar Fundazioak sustatutakoa.
Tolosan eta Amasa-Villabonan ikasturte osoko eskaintza iraunkorra egiten den arren, martxoan, beste bost herritara zabalduko da, egun batez.
Herriz herrikako tailerretan, 10-14 urte bitarteko gazteentzako jarduerak eskainiko dira, bi orduz. Zientzialariek gidatutako tailer praktikoak izango dira, eta biologia, kimika, fisika edota teknologiarekin lotutako esperimentuak egingo dituzte, lagunartean.
Ez da aurretiazko izen-ematerik egin beharko, unean bertan azaltzearekin nahikoa izango da. Dena dela, gune bakoitzaren aforoak mugatuko du parte-hartzaile kopurua. Tailerrak doakoak izango dira.
Alegia. Martxoak 5, ostirala.
16:30-18:30
Plazan. Euria egingo balu, udaletxeko arkupeetan
Adina: 10-14 urte.
Alkiza. Martxoak 12, ostirala.
17:00-19:00
Plazan. Euria egingo balu, frontoian.
Adina: 10-14 urte.
Irura. Martxoak 13, larunbata.
11:00-13:00
San Migel Plazan. Euria egingo balu, Elizako portikoan.
Adina: 10-12 urte
Asteasu. Martxoak 20, larunbata.
17:00-19:00
Plazan. Euria egingo balu, Gaztelekuan.
Adina: 10-12 urte (17:00-18:00); 12-14 urte (18:00-19:00).
Berastegi. Martxoak 26, ostirala.
16:30-18:30.
Gaztelekuko terrazan. Euria egingo balu, udaletxeko arkupeetan.
Adina: 10-14 urte.