Gardentasun ataria
1. Sarrera
Abenduaren bederatziko 19/2013 Legeak, Gardentasuna, Informazio publikoa lortu eta behar bezala gobernatzeari buruzkoak, 2. Artikuluan xedatu du, Tolosaldea Garatzen, S.A.-ri, merkataritza sozietatea den heinean eta kapitalean herri-administrazioen edo beste herri-erakunde batzuen partaidetza, zuzena edo zeharkakoa %50etik gorakoa izanik, aplikagarria zaiola gardentasun betebehar orokorretan adierazitakoa betetzea. Tolosaldea Garatzen, S.A.-ren kapitala %100ean eskualdeko 28 udalena da.
2. Erakunde, antolaketa eta plangintza informazioa
2. 1 Funtzioak
Tolosaldea Garatzen, S.A. irabazi asmorik gabeko eskualdeko garapen agentzia da. Eskualdeko udalek 1994an sortu zuten eta estatutuetako hirugarren artikuluaren arabera elkartearen xedea izango da Tolosaldeko udalen biziberritze eta ekonomi garaperako lagun lezaketen jarduera guztiak burutzea, enpresen eta enpleguaren sustapena barne, eta baita herrietako zerbitzu publikoen eskaintzarako elkar-lana eta koordinazioa indartu eta sostengatzea ere.
Era berean estatutuetako laugarren artikuluak zehazten ditu Tolosaldea Garatzen, S.A.-ren zereginak:
- Eskualdeko ekonomia eta gizarte eragileak dinamizatu barne ahalmenen erabilpen egokia eta giza zein material baliabideen mobilizazio eraginkorra erraztearen.
- Kanpoko baliabideak erakarri eskualdearen barne garapena ahalbidetu dezaten.
- Mendi Nekazaritzako Eskualde Batzordearekin koordinatuz, nekazaritza garapenerako politika orokor bat zehaztu eta bertatik erator daitezkeen iharduerak indartu eta sostengatu.
- Autoenplegua, enpresa eta kooperatiba berrien sorkuntza bultzatu.
- Merkataritza eta zerbitzuen sektorea indartu, Merkataritza Ganbararen eskualde zerbitzuak eta lanbide heziketarako egitarauak sustatuz, ekonomia informazio bideak eta interesa profesionala dutenak sortuz.
- Ekonomia eragile, heziketa zentro eta udaletako gazte-zerbitzuekin batera, eskualdeko enplegu eskaria antolatu lanbide heziketa premiak planifikatu ahal daitezen.
- Heziketa egitarauak diseinatu eta kudeatu etengabeko heziketa eta lanean diharduten langileen birziklaketa erraztearren eta gazte eta langabeen lan merkatutzea samurtzearren.
- Eskualde osoa hartuko duen Lurralde Antolamendu Plan baten gertuketa sustatu eta koordinatu. Lurzoru industrialaren sorkuntzari eta prestakuntzari besteak beste.
- Erabiltzen ez diren industria instalakuntzen katalogoa prestatu, iharduera berrietarako birmoldatuak izan daitezen.
- Lurzoru industrialaren eta birmoldatutako instalakuntzen eskaintza sustatu eta kudeaketaren koordinaketa bultzatu.
- Hirigintza eta ingurugiro arloan, eskualde osoko kudeaketa koordinatua indartu.
- Eskualdeko udal administrazioen politika eta baliabideei etekinik hoberena ateratzen eta arrazionaltzen ahalegindu.
- Udal zerbitzu publiko horien eskaintza udalen arteko tresna amankomunen sorketa prozesuak bultzatu eta sostengatu.
- Gizarte xedea betetzeko beharrezko diren jarduera guztiak garatu.
- Horretarako eskaera egiten zaionean, Tolosaldea Garatzen, S.A.k laguntza teknikoa eskainiko die udalei, bere gizarte xedearen barruko gaietan.
2. 2 Egitura
Batzar orokorra
Eskualdeko 28 udaletako ordezkariek osatua dago, honako partehartzearekin:
- ABALTZISKETAKO UDALA1,27%
- ADUNAKO UDALA1,50%
- ALBIZTURKO UDALA1,26%
- ALEGIAKO UDALA3,80%
- ALKIZAKO UDALA1,33%
- ALTZOKO UDALA1,42%
- AMEZKETAKO UDALA2,40%
- ANOETAKO UDALA3,89%
- ASTEASUKO UDALA3,30%
- BALIARRAINGO UDALA0,93%
- BELAUNTZAKO UDALA1,21%
- BERASTEGIKO UDALA2,56%
- BERROBIKO UDALA1,72%
- BIDANIA-GOIAZKO UDALA1,64%
- ELDUAINGO UDALA1,12%
- GAZTELUKO UDALA1,01%
- HERNIALDEKO UDALA1,34%
- IBARRAKO UDALA8,16%
- IKAZTEGIETAKO UDALA1,53%
- IRURAKO UDALA3,52%
- LARRAULGO UDALA1,14%
- LEABURU-TXARAMAKO UDALA1,38%
- LIZARTZAKO UDALA1,83%
- ORENDAINGO UDALA1,04%
- OREXAKO UDALA0,93%
- TOLOSAKO UDALA32,35%
- VILLABONAKO UDALA10,89%
- ZIZURKILGO UDALA5,57%
2. 3 Araudi aplikagarria
Tolosaldea Garatzen sozietate anonimoa da eta, nagusiki Merkataritza Erregistroan inskribatutako estatutuek nahiz Kapital Sozietateei buruzko legeak, uztailaren 2ko 1/2010 Errege Dekretu Legegilearen bidez onartutakoak, xedatutakoaren arabera arautzen da.
Kontratazioaren arloan, Tolosaldea Garatzen, S.A.-ri Sektore Publikoaren kontratuei buruzko Legea, azaroaren 14ko 3/2011 Errege Dekretu Legegilearen bidez onartutakoa, aplikagarria zaio, 3.1.d artikuluan xedatutakoarekin bat.
Kontratuak esleitzearen eremuan, Tolosaldea Garatzenek herri-administrazioaren izaera ez duen esleipen ahalmena duenez, Sektore Publikoaren kontratuei buruzko Legearen barruan III. Liburuko I. Tituluari dagokion II. Kapitulua aplikatuko zaio.
2022ko abenduaren 12tik TOLOSALDEA GARATZEN, Abaltzisketa, Aduna, Albiztur, Alegia, Alkiza, Altzo, Amezketa, Anoeta, Asteasu, Baliarrain, Belauntza, Berastegi, Berrobi, Bidania-Goiatz, Elduain, Hernialde, Ibarra, Ikaztegieta, Irura, Larraul, Leaburu-Txarama, Lizartza, Orendain, Orexa, Tolosa, Villabona eta Zizurkilgo udalerrien Bitarteko Propioa da.
3. Dokumentazioa
Deskargatu urteko kontuen txostena, edo aurrekontuak, diru-laguntzen esleipenak eta bestelako datuak azaltzen dituen Gardentasun Txostena.