/ Aktualitatea / Ayuntamientos /
34 saltokik erakusleihoa emakume ikertzaile baten omenez atondu dute, Emakume eta Neska Zientzialarien Nazioarteko Egunaren harira sortutako “#ErakusleihoakO11” ekimenarekin bat eginez.
Tolosaldea Garatzenek eta Elhuyarrek, Tolosa&Co eta Oria merkatari elkarteekin elkarlanean, #ErakusleihoakO11 proiektua jarri dute martxan, emakumeek zientziaren eta teknologiaren arloan egindako lana ezagutarazteko asmoz.
Tolosaldeko 34 saltokik egin dute bat kanpainarekin. Establezimendu bakoitza emakume zientzialari bati eskaini zaio, eta zientzialariaren ilustrazioa eta informazioa erakutsiko dira bertan. Gainera, zientzialariaren ikerketan inspiratuta apainduko da erakusleihoa.
Horrela, merkatariak emakume zientzialarien bizitzaren eta lanaren dibulgatzaile bihurtu dira. Horretarako, besteak beste, eskuorriak banatuko dira, emakumeen ilustrazio eta aurkikuntzen laburpenekin.
Gazteen esperimentuak, bideotan
Horrez gain, Bizilabe Tolosaldeako gazteek, Euskal Herriko gainerako Bizilabeetako gazteekin batera, COVID-19 egoerara egokitu eta hainbat ikus-entzunezko egin dituzte. Haietan, emakumearen istorioa aurkeztu eta bere ikerketa-gaiarekin zerikusia duten esperimentua egin dute.
Mary Somerville: koloretako planetak (BiziLabe Tolosa)
Barbara McClintock: klorofilaren erauzketa (BiziLabe Villabona)
Marie Tharp: faila kontinentala (BiziLabe Tolosa)
#ErakusleihoakO11 ekimenean parte hartu duten Tolosaldeko saltokiak:
Alegia
- Aikur
Asteasu
- Coviran Asteasu
- Javier Iraola Harategia
- Aneli Ilepaindegia eta Estetika
- Mattin
- Ana Sarasua Farmazia
- Axun Ileapaindegia
Irura
- Bakarne Arrue
- XARE okindegia
- Attonaren Denda
Tolosa
- Dandaka
- Pasteleria Ibañez Gozona
- Ubel
- Xarma
- Electrodomesticos Beotibar
- Ipar Roller
- Muñazabal
- Josune Ileapaindegia
- Imanna
- Taller Merceria Karmele
- Aralart Decoracion
- Lencería Ross
- Merceria Karmele
- Berezi Tallas Especiales
- Dentieder
- Itsasargi Congelados
- Mikel Altzariak
- Kirei
- Zunzu
Villabona
- Farmazia Berria
- Garintza Mertzeria
- Galerías M.J
- Ifni
- Basajaun Liburudenda
“#ErakusleihoakO11” webgunea
Ekimen honen barruan multimedia edukia sortu da. Parte hartu duten saltokiak Bizilaberen Otsailren 11ren webgunean egongo dira ikusgai. Tolosaldeko mapan kokatuta ikus daitezke saltokiak. Horietan klik eginez, erakusleihoaren argazkia eta omendutako emakume ikertzailea zein den ikusteko aukera dago.
Guztira 12 emakume omendu dira: Barbara McClintock, Berenice Abbott, Dorothy Crowfoot, Eunice Foote, Gertrude Belle Elion, Jocelyn Bell Burnell, Marie Tharp, Mary Somerville, Miriam Rothschild, Nettie Stevens, Poppy Northcutt eta Williamina Fleming.
Emakume ikertzaile hauen ilustrazioak ere webgunean eskegita egongo dira, euren istorioekin batera. Elhuyar Aldizkariak idatzitako istorio hauetan ikertzaileen bizitza, gertaerak eta asmakuntzak biltzen dira.
