/ Actualidad / Turismo /
Goierri-Tolosaldea “Euskadiko Bihotza” markapean bi eskualdeen elkarlanaren emaitza berria aurkezten dugu oraingoan: Goierri-Tolosaldea gida turistikoa. Aurreko gidaren emaitza onak ikusita oraingoan ere esperientzia berri guztiekin gida turistiko bateratua aurkezten dizuegu itxura eta diseinu berrituarekin euskera-gaztelera bertsioan.
Gida turistiko berri honek bi eskualdeetako produktu turistikoak biltzen ditu: gidaren hasierako mapan markaturik azaltzen dira bide berdeak, bidegorriak, informazio bulegoak, Erdi Aroko Multzoak edo alde zaharrak, merkatuak, Santiagoko Bidea, museo eta interpretazio zentroak eta alojamendu mota desberdinak (hotelak, pentsioak, nekazalturismoak, landetxeak, aterpetxeak eta apartamentu turistikoak). Gida hiru ataletan banatzen da: esperientzia gastronomikoak, naturan oinarriturikoak eta kulturalak, eta bertan, toki eta gai garrantzitsuenak aurkezten dira.
Hasteko, gastronomiarekin zerikusia duten esperientziak azaltzen dira (azokak, gazta, txakolina, sagardoa, babarrunak eta txokolatea). Jarraian, naturarekin lotura duten irteerak aurkezten dira (tontorrik altuenak, Parke Naturalak, Bide Berdeak, Santiagoko Bidea, Trail Estazioa eta errepide panoramikoak); azkenik, kulturarekin bat egiten duen atal bat erakusten da (alde zaharrak, Euskadiko Bihotzera bi bidai, etnografia, artea eta momentu historikoak azpimarratzen dituzten errekurtsoak). Bukatzeko, familia giroan egiteko irteerak eta erosketetarako atalak gehitu dira.
Esperientzia desberdinak aurkeztu ondoren, bi eskualdeetako museo, interpretazio zentro eta turismo bulegoen datu zehatzak txertatzen dira, jatetxeen zerrenda, alojamendu mota desberdin guztiak eta urtean zehar eta bi eskualdeetan gertatzen diren festa, azoka eta jai nagusienak.
Berrikuntza gisa, familiei begirako proposamenen atalean, bi eskualdeetako orientazio zirkuitu (Txindokiko Itzala eta Zegamakoak) eta abentura parkeak (Txindokiko Itzala eta Lizarrustikoak) bateratu ditugu eskaintza hau nabarmentzeko.
Gida turistiko berri honi esker, turistak edo bisitariak, Goierri eta Tolosaldeako informazio guztia aurkituko du formato bakar batean. 10.000 ale egin dira euskaraz eta gazteleraz, eta frantsesa-ingelesa bertsioa ere jendearentzako eskuragarri dago. Donostian dagoen Gipuzkoa Turismoko turismo bulegoan eskuragai dago gida berria, bi eskualdeetako turismo bulego guztietan bezalaxe.
Goierri eta Tolosaldeako eskualdeok, 46 herri guztira, turismoan batera lan egiteko hitzarmena sinatu genuen 2.008ko irailean: kanpaina bateratu bat jarri genuen martxan bisitari eta turista gehiago erakartzeko helburuarekin, bi eskualdeok genituen produktu turistikoak batzeko asmoarekin.
Goierri y Tolosaldea han sido siempre un ejemplo de colaboración en el turismo; en el turismo activo y en la dinamización de los museos hemos colaborado para no repetir contenidos y los proyectos que se han llevado a cabo en cada comarca han sido complementarios. En el ámbito de la promoción, hemos asistido de forma conjunta a ferias turísticas y hemos colaborado en viajes de prensa con el Gobierno Vasco y la Diputación.
Goierri eta Tolosaldeak, turismoan, elkarlanaren eredu izaten jarraitu nahi dute aurrerantzean ere, eta helburu nagusiena turistak eta bisitariak erakartzea dela jakinik, produktu turistiko guztiak batera garatuz eta promozionatuz, orain arte baino turista gehiago zenbatzeko aukera dugula pentsatzen dugu.
Covid19aren ondorioz sortutako normaltasun berri honetan, barnealdeak eta bereziki landa turismoak eskaintzen ditu turistak seguru sentitzeko baldintza egokienak, jende pilaketetatik urrun. Bereziki barne turismoari eta baita Estatuko turistei ere, gure eskualdeetan dugun eskaintza zabala erakutsi nahi diegu, beraien opor leku gisa aukera gaitzaten.
