Eta zergatik 5.000kWh? Bada, kopuru horretatik aurrera banatzen delako tarifa. Urtean izan duzun kontsumoaren arabera esleitzen dizu banatzaileak tarifa:

• 3.1 tarifa: urtean 5.000 kWh-ra iristen ez bazara.
• 3.2 tarifa: urtean 5.000 kWh gainditzen badituzu.

3.2 tarifaren kasuan, termino finkoa, hau da, gas banatzaileari ordaintzen zaiona, handiagoa da, nahiz eta termino aldakorra –kontsumoarena– pixka bat merkeagoa den. Normalean, ur beroa, gas-sukaldea eta berogailua izanda, urtean 5.000 kWh gainditzen dira, baina gertu ibiliz gero, horrek esan nahi du kontsumo-ohiturak egokituta, iritsi zaitezkeela termino finkoagatik gutxiago ordaintzea. Hurrengo urtean aurreztea lortuko zenuke horrela.

Tarifa ugari daude, eta garrantzitsua da konprobatzea zein den zure beharretara egokitzen dena. Baliabide hauek erabil ditzakezu horretarako:

Gas tarifen online konparatzaileak

Egiaztatu zein den zure beharretara gehien egokitzen den tarifa, eta hautatu horren araberako merkaturatzailea.

Erreferentziazko merkaturatzaileak

Gobernuak kontrolatutako TUR tarifa eskaintzen duten merkaturatzailak dira. Ikusi zeintzuk diren eta baloratu hori behar ote duzun.