Guretzako

#Aniztasuna

/ Proiektuak / Diversidad / Guretzako

Proiektu hau aktibo dago

Emakumeok elkarrengandik ikasteko gune bat

Jatorri anitzeko emakumeak biltzen garen gune bat da. Bizi esperientziak partekatzen ditugu, kezkatzen gaituzten gaiei buruz hitz eginez eta jakintzak partekatuz, elkarrengandik ikasteko.

Informazio erabilgarria

Norentzat da?

Emakume orok parte har dezake. Jatorri askotako emakumeak biltzen gara, elkarren artean ezagutu asmoz. Besteen esperientziak entzuteko eta elkarrengandik ikasteko gogoa baino ez da izan behar.

Zer egiten dugu saioetan?

Gure zalantzak, kezkak, ikuspuntuak eta esperientziak partekatzeaz gain, elkar laguntzen dugu, pelikulak ikusten ditugu, tea hartzen dugu edota txangoren bat edo beste egiten dugu.

Zeren inguran hitz egiten da?

Saio bakoitzean gai bat edo gehiago finkatzen ditugu. Adibidez: emakumeon eskubideak, zaintza lanak, jatorrizko herriko bizimodua, oraingo herrian integrazioa...

Ez dut inor ezagutzen...

Emakume berriak ezagutzea, elkarren arteko konfiantzazko giroa sortzea eta herriaren parte izatea ere bada gure helburua. Gerora, bada saioetatik kanpo ere elkartzen denik!