/ Aktualitatea / Turismo /
Atzo apirilaren 2an ospatu zen Gasteizko Europa Jauregian Euskadiko Kode etikoaren aitortza ekitaldia.
Ekitaldian parte hartu zuten, eskualdeko hainbat turismo enpresek eta aitortza jaso zuten eskualdeko 30 enpresa eta erakundek: Tolosako Nicolas erretegia, Bertakoteka jatetxea, Casa Julian erretegia, Eceiza pasteleria, Karmentxu pentsioa, Ama jatetxea, Tolosaldea Garatzen, Bide Bide hotela, Eguzkitza sagardotegia, Overtrails bidai agentzia, Korteta, Rafa Gorrotxategi Museoa, Topic Museoa, Urmara Museoa eta Tolosaldeko turismo bulegoa, Amezketako Pello Zabala gunea, Albizturgo ostatua, Hernialdeko ostatua, Larraulgo Zirta jatetxea, Abaltzisketako Zaldizketa, Asteasuko Iturri ondo jatetxea, Lizolagoiena eta Saskarate nekazalturismoak, Aburuza sagardotegia, Amasa- Villabonako Hika upategi eta jatetxea, Bidaniako Iriarte Jauregia hotela, Alkizako Lete apartamentuak eta Fagus Hernio Gazumeko Interpretazio Zentroa, Berrobiko Iriarte jatetxea, Orexako ostatua.
Argazkian: Lete apartamentuak, Pello Zabala gunea, Aburuza Sagardotegia, Tolosaldea Garatzen, Hika jatetxea eta Korteta nekazalturismoko ordezkariak, Javier Hurtado sailburuarekin.
2020 proiektua martxan jarri zenetik, Tolosaldea Garatzeneko turismo sailetik kudeatzen da Euskadiko Kode etikoaren programa Basquetour Euskal turismo agentziarekin elkarlanean eta enpresei prozesu guztian zehar laguntza eskaintzen zaie.
Euskadiko Turismoaren Kode Etikoak funtsezko printzipio batzuk ezartzen ditu, Euskadiko turismo-eragile guztiek erantzukizuna eta iraunkortasuna beren eguneroko jardunean integra ditzaten, oinarri gisa errespetua eta ulermenerako ekarpena hartuta.
Kode hau Turismoaren Mundu Mailako Kode Etikoaren egokitzapena da, gure kulturaren eta identitatearen berezitasunetatik abiatuta egina, eta gure izaera definitzen duten balioak baliabide propio bihurtzea du helburu, gure turismo-garapena modu lehiakorrean ulertu eta kudeatzeko.
Tolosaldeko edozein enpresak programaren inguruko interesik izango balu, Tolosaldea Garatzeneko turismo sailarekin jar daiteke harremanetan 943 65 45 01 telefonora deituz edo garmendia@tolosaldea.eus email helbira idatziz.
