TRANTSIZIO DIGITALA

Tolosaldeko Turismo Jasangarriaren plana. 3.ardatza.

Tolosaldeko Turismo Jasangarriaren Planak 4 ardatz ditu: Trantsizio berde eta jasangarria, Efizientzia energetikoaren hobekuntza, Trantsizio digitala eta Lehiakortasuna. Digitalizazioaren baitan, Tolosaldeko digitalizazio eta turismo adimentsuaren plana garatu da. Euskadiko Lurralde plana eta Suspertze, Eraldaketa eta Erresilientzia Planaren baitan, Europar Batasuneko NextGenerationEU funtsek finantzatuta.

• Turismo bulegoaren digitalizazioa: informazio pantaila kalera begira, bisita gidatuak egiteko radiogidak, turismo mapa interaktiboak …
• www.tolosaldea.eus webgune berria: online denda, chatbota, Tolosaldeko online gida interaktiboa eta eduki berriekin.
• “Gonbidatuta zaude” turismo jasangarriaren online kanpaina.

Tolosa, 2026ko uztailaren 07a

Tolosaldeko digitalizazio eta turismo adimentsuaren planaren baitan ondorengo ekintzak garatu dira:

• www.tolosaldea.eus webgune berria: dagoeneko aktibatu ditugun berrikuntza nagusiak bisita gidatuak saltzen dituen online denda, chatbota bisitariei kontsultak egitea errazteko, Tolosaldeko gida interaktiboa.

• Turismo mapak: 28 turismo mapa diseinatu dira, herri bakoitzaren fitxan deskargagarri daudenak eta herri bakoitzeko interes puntuak jasotzen dituztenak. Hauetako batzuk, fisikoki inprimatu eta ondorengo herrietan kokatu dira:
  • Abaltzisketa: Larraitzeko ermitaren alboko plazan.
  • Alkiza: hilerriko aparkalekuan.
  • Amezketa: San Bartolome elizaren alboan.
  • Asteasu: kiroldegian.
  • Berastegi: udaletxearen alboan.
  • Ibarra: Izaskungo ermitaren alboan.
  • Larraul: Ekomuseoaren sarrera ondoan.
  • Tolosa: turismo bulegoaren sarrera ondoan.

• Marketin digitaleko estrategiaren garapena: webguneko eta sare sozialetako datuen neurketa eta horien araberako egokitzapenak eta publizitate kanpainen diseinuak egiten ditugu. Hain zuzen, martxan jarritako azken kanpaina:
  • “Gonbidatuta zaude”: turismo jasangarri bat praktikatzeko kanpaina. Aldi berean, sustapena eta sentsibilizazioa helburu dituena; bai txangozale eta baita turistei begira ere diseinatua:
    • Grafikak turismo bulegoko pantailetan ikusgai, bai barrualdekoan eta baita kalera begira instalatu berri den pantailan ere.
    • Bideo eta irudiak sare sozialen bidez zabaltzeko. IKUSI BIDEOA>>

• Irisgarritasuna bisita gidatuetan: bisita gidatuak egitera datozen bisitariek hemendik aurrera ez dute gidaria bozgorailu baten bidez entzungo. Parte-hartzaile bakoitzari radio-gida bat banatuko zaio berrerabili daitezkeen aurikular banarekin. Helburu ezberdinak ditu: batetik gidaria hobeto entzuteko aukera emango die parte-hartzaile bakoitzari eta bestetik, kaleetan gehiegizko soinua sortzea ekidingo du. Honetaz gain, bisita gidatuetako parte-hartzaileen eskura gurpildun aulki bat jarri dugu behar duenak.