/ Aktualitatea / Turismo /
Jesús María García de Cos Turismo eta Merkataritza Sailburuordea, Eusko Jaurlaritzako turismo teknikariak eta Euskadiko turismo bulegoetako informatzaile eta teknikariak bisitan izan dira.
Tolosaldeko turismo bulegoa Itourbask, Turismo Bulegoen Euskal Sareko kidea da. Eusko Jaurlaritzako Turismo Zuzendaritzak koordinatzen duen sare honek, urtero, Famtrip edo familiarizazio bidai bat antolatzen du Euskadiko eskualde batetara.
Hain zuzen, turismo bulegoetako informatzaileak formatzeko helburua du txango horrek, beren jatorrizko herri edo eskualdeaz gain, Euskadiko beste helmugen inguruko informazioa emateko ere gai izan daitezen. Eta, noski, lehen eskutik ezagutzen den horri buruz, hobeto informatzen da.
Famtrip-ak edo Familiariazio bidaiak artatzea, Tolosaldea Garatzeneko Turismo Sailaren Marketin eta Merkaturatze lan ildoetako bat da. Euskadiko beste erakundeekin elkarlanean bidai agentziak artatu ohi dira, beraien eskaintzetan Tolosaldeko turismo baliabide eta enpresak ere sar ditzaten.
Zehazki, 39 pertsonako taldea izan da bisitan. Euskadiko 30 turismo bulegoetako langileek osatu dute taldea: 4 Arabatik, 12 Bizkaitik eta 14 Gipuzkoako beste eskualdeetako bulegoetatik. Tolosatik hasi dute txangoa, eta Altzo, Abaltzisketa eta Amezketa ere ezagutzeko aukera izan dute.
Programa:
10:00.- Harrera, Tolosaldeko turismo bulegoan.
10:40.- Topic Museora bisita
11:40.- Bide-bide hotela eta jatetxera bisita
12:15.- Rafa Gorrotxategiren Txokolatearen Museoa
13:00.- Altzoko Handia erakusketa
13:30.- Bazkaria Altzoko Ostatuan.
15:30.- Txindokiko Itzala informazio puntu eta abentura parkera bisita.
16:45.- Bisita gidatua: San Bartolome elizako argizaiolak eta Pello Zabala gunea.
17:15.- Itzulera
