/ Aktualitatea / Turismo /
Tolosaldea Garatzenek marka eta web berria aurkeztu ditu berriki. Turismo Sailak aurkezpen ekitaldian parte hartu zuen, bere hitzartzean sektoreari mezu bat helaraziz.
2020an %61eko jaitsiera izan du Turismoak, Covid 19-aren ondorioz. Jakin badakigu garai zailak direla eta turismo sektorearen atzean dauden familia asko gaizki pasatzen ari direla.
Baina guri aurrera begiratzea ere badagokigu eta, bide horretan, turistak datozenerako prest egotea. Horregatik, Tolosaldea Garatzeneko Turismo Sailean bost lan ildo zehaztu ditugu:
- Saretzea: elkarlana sustatzea eragile publiko zein pribatuekin.
- Lehiakortasuna: Enpresen alboan egonez, lehikorrago eta jasangarriago izateko lan egitea.
- Erakargarritasuna: Tolosaldea turistei begira erakargarriago egitea, produktu turistikoak egituratuz.
- Sustapena: Eskualderen sustapen turistikoa.
- Turismo bulegoa: Turistei kalitatezko harrera eta informazioa eskaintzea.
Horiek dira gure konpromisoak. Turismoan parte hartzen dugun eragile guztiokin batera lan egin nahi dugu, etorkizunean etorriko zaizkigun turistak primeran tratatuz. Hori baita egin dezakegun promoziorik onena.
