#EnergiaBulegoa
Energia Geotermikoa
/ Proiektuak / Energia Bulegoa / Energia Etxean /
Lurrazpian bero forman dagoen energia da
Neguan lurpeko bero konstantea aprobetxatzen da energia sortzeko; udan, berriz, lur gaineko berotasuna lurrazpira isurtzen da, sasoi horretan freskoago egoten baita.
Instalazio geotermikoak
Lurrazpiko beroa energia termiko bihurtzen duten eraldatzaileak dira. Hiru zati dituzte.
Kaptadorea
Ura lurrazpitik lurrazalera garraiatzen duen hodi multzoa da.
Sorgailua
Markina termodinamiko bat da, urtaroaren arabera, energia sortzeko bildutako ura berotu eta hozten duena.
Elementu igorleak
Beroa igortzen duten sistemak dira: lurzoru erradiatzaileak edo fan-coils delakoak.
Zenbat eta txikiagoa izan bilketa eta aplikazio puntuen arteko distantzia, orduan eta errendimendu altu eta eraginkorragoa lortzen da.
Legedia
1027/2007 Errege Dekretuan onartutako Eraikinen Instalazio Termikoen Araudian biltzen dira instalazioak ezartzeko baldintza guztiak.
Nola jarri?
Azterketa teknikoa
Instalazio geotermiko bat jartzeko aurrekontua eskatu aurretik, azterketa bat egin behar da, eremu bakoitzaren ezaugarriak ezagutzeko. Analisi horretan kontutan izango dira lurzoruaren ezaugarriak (gogortasuna edo lurpeko tenperatura), zulaketa lanak eta klimatizazio sistema, eta ezaugarri horien arabera zirkuitu edo sistema mota bat ala bestea aukeratuko da. Normalean hobe izaten dira lur harritsuak, buztin-lurzoruak baino.
Instalazioa
Plaka fotovoltaikoekin ez bezala, instalazio geotermiko bat jartzeko profesional edo adituengana jo behar da. Normalean, eraikinaren azpian jartzen dira, zimenduak eraikitzeko egiten den zuloa aprobetxatuz. Makina-gela txiki bat ere beharko da.
Diru-laguntzak
Begiratu ea diru-laguntzarik dagoen indarrean.
Diru-laguntzetara botoiaMantenua
Urtean behin, gutxienez, sistema osoaren mantenua egin behar da; uda eta neguaren aurretik egitea da gomendagarriena. Iragazkiak, presio maila edota sorgailuaren egoera konprobatzen dira azterketetan.
Gas edo gasoil bidezko sistemen bikoitza baino gehiago balio dute instalazio geotermikoek. 15.000 eta 30.000 euro arteko kostua eskatzen du. Hiru dira prezioa baldintzatzen duten faktoreak: lur mota, egin beharreko zuloen tamaina eta kopurua, eta sorgailuaren potentzia. Zundaketa da prozesu garestiena. Batez beste, zulaketa-metro linealeko 40 euro inguruko kostua du.
Adibidea
52.500 kWh energia behar duen etxebizitza baten kasuan, 1.858€-ko gastua egingo litzateke urtean. Ezaugarri berak kontuan hartuz, eta gas naturala edo gasoil bidezko sistema dutenekin alderatuta, 1.600€ eta 3.000€ inguru aurrez daiteke urtean energia geotermikoa erabiliz gero. Inbertsioen amortizazioa 6 eta 11 urte bitartekoa dela kalkulatzen da.
Errentagarria al da?
Errentagarritasun maila altua du energia-eskari handiko eraikinetan: klimatizazioa behar duten kasuetan, igerilekuetan...
Ur bero sanitarioaren ekoizpenean eta klimatizazioan %75era arte aurreztu daiteke
Hasierako inbertsioa 15.000-30.000 € artekoa da, eta 5-10 urteren buruan amortizatzen da. Bizitza erabilgarria 50 urtekoa da, ongi mantenduz gero.
Energia lortzeko beste hiru modu...
Plaka fotovoltaikoak
Zer da eta nola lortu?
Eguzki-energia termikoa
Zer da eta nola lortu?
Biomasa
Zer da eta nola lortu?