/ Aktualitatea / Turismo /
- Aste Santuan, apirilaren 6tik 8ra Tolosaldeak stand bat izango du Arenaleko
Txoko Gourmet karpan, Basquefest jaialdiaren baitan. - Dastaketen gunean, Tolosaldetik Balerdipeko Erleak eta Rafa Gorrotxategik
parte-hartuko dute. - “Tolosaldea, kalitatearen jatorria” eta “Tolosaldeko gastronomia gida” berriak
aurkeztuko dira bertan. - Aste Santuko oporretarako bisitariek Tolosaldean izango duten eskaintza
eramango dugu, besteak beste.
Tolosa, 2023ko martxoak 31
Basquefest ekimenean 2016tik, urtero parte-hartzen du Tolosaldea Garatzeneko Turismo
sailak Txoko Gourmet karpan, Euskal Herriko beste hainbat helburu turistikoekin batera.
Txoko Gourmet gunean, Balerdipeko erleak-eko Inaxio eta Mattinek, loraldi ezberdinetako
eztien dastaketak eskainiko dituzte ostiralean, apirilaren 7an, 13:00etan eta 17:00etan.
Gozotik jarraituz, Rafa Gorrotxategik txokolate dastaketak eskainiko ditu larunbatean,
apirilaren 8ane, 17:00tan eta 18:00etan. Bide batez dastaketetan probatutako produktuak
erosteko aukera ere eskainiko zaie bertaratutakoei.
Aurtengoan, bertan aurkezteko ditugun berritasunen artean:
- Tolosaldeko Gastronomia Gida: turismo marka berriarekin prestatu dugun gida
berria eramango dugu bertara eta Tolosaldeko turismo bulegoan ere turistek
eskuragarri izango dute. - Tolosaldea, Kalitatearen jatorria bideoa erakutsiko da, Rafa Gorrotxategi eta
Balerdipeko Erleak-ek eskainiko dituzten dastaketen lagungarri.
Espainian Turismo gastronomikoaren eskaerari buruzko V. Azterlanaren arabera,
Helmuga gastronomiko baten kalitate-ezaugarriak ondorengoak dira:
Azterlanaren datuen arabera, bidaiari nazionalek helmuga gastronomiko ona izan behar
dute: gastronomia berezia eta kontakizun propioa (% 60,9); kalitatezko sukaldaritza-
eskaintza bat (% 49,1); tokiko ekoizleak bisitatzeko aukera (% 47,5); merkatu, saltoki eta
azoka gastronomikoetan tokiko produktuak erosteko aukera (% 47,5); Jatorri Deitura edo
Adierazpen Geografiko Babestua duten kalitatezko produktuak (% 41,4); eta giro
gastronomikoa duten kaleak (% 39,2). Jatetxe-eskaintzari dagokionez, ohiko
establezimenduak dira oraindik ere bidaiari gastronomikoek gustukoen dituzten aukerak,
nahiz eta horiek gero eta gehiago baloratzen dituzten proposamen berritzaileenak, hala nola
gastrobarrak eta izen handiko gidetan sariak dituzten jatetxeak (Michelin, Repsol, etab.).
Tolosaldeko gida gastronomikoan, kontakizun propioa landu eta Tolosa Gourmet,
Tolosaldeko gastronomia turismoa sustatzeko klubeko kideen eskaintza balioan jarri nahi
izan dugu. Helmuga gastronomiko gisa posizionatzeko bezeroek baloratzen duten guztia
dugu eta horixe helarazi nahi izan diegu.
Hemen liburuxka deskargagarri:
Tolosaldea, kalitatearen jatorria leloa duen bideoarekin, produktu, ekoizle eta salmenta
guneak sustatu nahi izan ditugu oraingoan. Lehen aipatu dugun ikerketa horrek jasotzen
duenez, bertako produktuen erosketek garrantzi handia dute turistek beren bidaietan egiten
dituzten ekintzetan. Zehazki honela dio:
%77,4k jatetxeetan jaten du.
%71,6k tapa edo pintxoak jaten ditu.
%62,5ek bertako produktuak erosten ditu.
%59,6k merkatuak bisitatzen ditu.
%45,2ak upategiak bisitatzen ditu.
%30,8ak ardoa erosten du.
Hemen bideoa:
41 enpresako sarea
Tolosa Gourmet, Turismo gastronomia sustatzeko klubak Martxoaren 6an ospatu zuen
urteroko batzarra, Aburuza Sagardotegian.
Kide guzti hauek dira Tolosaldeko gastronomia gidaren oinarria. Kideen arteko sinergiak eta
aliantzak sustatu, hobekuntzarako formazioa eskaini, anfitrioi papera sustatu…hauek dira
besteak beste klubak dituen helburuak. Sortu zenetik 10 urte igaro dira eta eskualdeko
udalekin, enpresekin nahiz bestelako entitateekin elkarlanean, bakoitzak bere tokitik lanean,
Tolosaldeak helmuga gastronomiko baten posizionamendua izatea lortu da, nahiz eta
lehiakortasun handiko sektorea dena eta etengabeko hobekuntza prozesu batean egon
beharra dagoen, posizionamendu hori mantendu eta hobetzeko.
Aste Santuko eskaintza Tolosaldean
Bilbon egoteaz gain, Tolosaldean bisitariak esku zabalik jasotzeko prestatuta gaude jada.
Topic eta Txokolate museoa zabalik aurkituko ditu gurera datorrenak. Tolosaldeko turismo
bulegoak ere bisita gidatuak eskainiko ditu egunero eta Txindokiko itzalako tirolinak ere
martxan egongo dira. Eskualdea hobeto ezagutu eta gure sekretuen berri izan nahi duenak,
bere bisita erreserbatu dezake, Urmara museoan Alkizan, Pello Zabala gunea Amezketanedo upategi naiz ekoizle desberdinetan. Informazio guztia eguneratuta www.tolosaldea.eus web gunean aurkitu daiteke, 5 hizkuntzetan.
Horrez gain, egun hauetan agenda ere betea izango dugunez, bisitariak edo herrian
geratuko diren bertakoek zer egina topatuko dute hemen. Larunbateko azokan, larunbat
honetan ospatuko den ardo zuriaren azokan, asteazkenean Amasan amaituko den Itzuliaren
etapan, Tolofolk musika jaialdian…
Tolosaldeko zerbitzuak ateak zabalik aurkituko dituzue, zatoztenentzat eta geratzen
zaretenentzat, zuen oporralditxoez goza dezazuen.
