/ Aktualitatea / Turismo /
Martxoaren 19an, Aloña Garmendia izan zen, Tolosaldea Garatzen-etik etorri zena, hotelentzako formazioen estreinaldia egitera. Bidea ireki diegu gainerako eskualdeei!
Adegirekin lankidetzan, eskualdeetan dauden turismo baliabideei buruzko prestakuntza-saioak emango dira Gipuzkoako HUB-an. Saio hauen helburu nagusia gure eremuen ezagutza hobetzea da, lurralde bakoitzeko baliabide garrantzitsuenak nabarmenduz eta Donostiako fluxu turistikoa lurralde guztira zabaltzea lagunduz.
Lehenengo jardunaldia Tolosaldeari eskainiko zaio. 45 minutu inguruko aurkezpen batean, inguru horretako baliabide, produktu eta ekitaldi nabarmenenak aurkeztu ditugu labur-labur. Jakina, saioan parte hartu dutenen galderak egiteko denbora egon da, eta, bide batez, formatu hibridoan, presentzialean eta online izan zen.
Informazio horrek balio handia izan du publikoarekin harremanetan lan egiten duten pertsona guztientzat, aukera emango baitie Gipuzkoa osoko turismo-fluxuak eraginkortasunez bideratzeko.
Gipuzkoako HUB-aren helburua, Gipuzkoako hotel-establezimenduei balio erantsia ematea da, kalitate handiagoko zerbitzua eskaini dezaten, eskualde bakoitzeko erakargarritasunak ahalik eta gehien aprobetxatuz.
Tolosaldeko aurkezpen saioa grabatu egin da, aurrera begira formazioan parte hartu ezin izan duten sektoreko pertsonek, nahi dutenean ikusteko aukera izan dezaten.
