/ Aktualitatea / Turismo /
- 2023an, zikloturismoko 2 froga izar pasako dira Tolosaldetik: Frantziako Tourra eta Euskal Herriko Itzulia.
- Tolosaldean bizikletaz gozatzeko aukera ezberdinak bildu dira eta zikloturismoko 2 ibilbide prestatu dira: Tolosaldetik igaroko diren Tourreko etapa eta Itzuliarekin bat egiten duten proposamenak dira, urte osoan bisitariak erakartzeko helburuarekin.
- Basquetourek Turismo sektorearentzat formakuntzak antolatu ditu sektore pribatuak zikloturismoaren segmentuari bere eskaintza egokitzeko pautak emateko helburuarekin. Tolosaldea Garatzeneko turismo sailetik eskualdeko ostatuak bertan parte-hartzera gonbidatu nahi ditugu.
Tolosan, 2023ko martxoaren 7a
- Frantziako Tourra
2023an Frantziako Tourrak Euskadin izango du hasiera. Lehen hiru etapak Euskal Herrian zehar izango dira, eta txirrindulariek Tolosaldean zehar egingo dute bigarren etaparen zati bat.
Ziklismoaren jarraitzaileentzat aukera aparta izango da hau Tolosaldeaz gozatzeko.Etapa honetan Abaltzisketa, Amezketa, Ugarte, Alegia, Txarama, Ibarra, Tolosa, Irura, Alkiza eta Villabona zeharkatuko dira. Tolosaldeak landa inguru ederrak ditu eta kultura gastronomiko ezinhobearen jabe da. Tourraz eta eskualdeaz gozatzeko aukera ezinhobea dugu. Izan ere Tolosaldean txirrindularitzak garrantzia handia izan du eta pasio handiz bizitzen da.
- Euskal Herriko Itzulia
Itzuliaren hirugarren etapan ere, Tolosaldetik igaroko dira txirrindulariak, eta amaiera ere bertan izango du etapak, Villabonan zehazki (Hika txakolindegia).
Andazarrate igo eta gero Asteasu ondoren Villabonatik jarraituko du itzuliak Anoeta eta Tolosatik igaroz. Ondoren Altzoko igoera izango da eta Alegia, Amezketa eta Abaltzisketa zeharkatuko dira Orendainera igo baino lehen. Berriro Altzo igo eta gero Villabonaruntz abiatuko dira txirrindulariak, Tolosa eta Anoeta igaroz. Asteasu, Zizurkil eta Aduna eta gero, berriro Villabonara datoz bertan amaitzeko etapa. Azken kilometrro aldapatsua igo ondoren Hika Txakolindegian izango du amaiera hirugarren etapak.
Tolosaldea Garatzeneko turismo sailaren proposamenak
Euskadin bezalaxe, Tolosaldean ere txirrindularitzak jarraitzaile asko ditu eta pasioz bizitzen da. Bertakoek egin ohi dituzten ibilbideak eskaini nahi izan dizkiegu afizioa partekatzen duten bisitariei.
Bi ibilbide prestatu ditugu, kilometro gehiago egin nahi dituenak, biak jarraian egin ditzake egun berean eta gutxiagorekin nahikoa duenak berriz, egun ezberdinetarako plana izan dezake.
Lehen ibilbidea
Lehenak herri hauek zeharkatuko ditu: Tolosa – Anoeta – Villabona – Aduna – Zizurkil – Alkiza – Anoeta – Tolosa.
30,54 km-ko luzera eta 451 m-ko desnibel positiboa ditu. Ordu eta erdiko buelta da eta zailtasun ertaineko ibilbidea da.
Bigarren ibilbidea
Bigarrena Tolosan hasten da eta Alegia, Orendain, Abaltzisketa, Amezketa eta Altzotik igaro ondoren Tolosan amaitzen da berriro. 30,33 km-ko distantzia du eta 541m-ko desnibel positiboa du.Ordu eta laurdenaren azpitik egin daiteke eta zailtasun maila ertaina du.
Basquetourrek, Turismoaren Euskal Agentziak, hainbat tailer antolatu ditu martxoan, enpresei beren zerbitzuak zikloturismora bideratzen laguntzeko. Izan ere, sektore horrek hazkunde handia aurreikusten du datozen urteetan.
«Zikloturistak, denek nahi dituzte, baina gutxik dakite nola konbentzitu» izenburupean, egun erdiko tailer teoriko-praktiko honetan, enpresek bizikletan doazen pertsonen larruan jarri eta gai hauek landu ahal izango dituzte: zer behar duten, haien zerbitzuak nola egokitu, zikloturismoaren merkatua nola egituratzen den eta merkaturatzeko bide nagusiak zeintzuk diren.
- Nori daude zuzenduak tailerrak?
Ostatu-zerbitzuetako enpresak eta turismo-zerbitzuetako enpresak (agentziak eta gida espezializatuak).
- Non eta noiz izango dira tailerrak?
- Martxoak 13 Bilbo: 9:30etatik 13:00etara.
Lekua: Basquetour-Turismoaren euskal agentzia. Urkixo Zumarkalea 36, Bizkaia eraikina. Bilbo. - Martxoak 13 Gasteiz: 15:00etatik 18:30etara.
Lekua: SEA Arabako Enpresak. Postas kalea, 32, 5. solairua. Juan José Azurmendi aretoa. Gasteiz. - Martxoak 14 Donostia: 9:30etatik 13:00etara.
Lekua: Gipuzkoako Hotelen Elkartea. Mikeletegi Pasealekua, 52. Donostia.
- Zeintzuk izango dira tailerraren edukiak?
1. eduki-multzoa: Moldaera
- Zein dira zikloturistaren profilak? Modalitateak, denboraldiak, etab.
- Zer behar dute eta nola egokitu naiteke? Zikloturistak nire ostatura erakartzeko oinarrizko eskakizun eta zerbitzuak.
- Balio erantsizko zerbitzuak
- Zikloturismo-zigiluak ezinbestekoak al dira?
- Sinergiak eta helmuga eraikitzea.
2. eduki-multzoa: Merkaturatzea
- Zikloturismoaren merkatua zenbatekotan
- Zuzeneko merkaturatzea
- Web
- Edukien marketina
- CRM edo bezeroekiko harremanen kudeaketa
- Zeharkako merkaturatzea
- Tokiko operadoreak
- Tour operadoreak
- Preskriptoreak eta influencerak
- Zikloturisten ekitaldiak
