/ Aktualitatea / Proyectos estratégicos / ZTIAM /
Gaur goizean sinatu dute hitzarmena Tolosaldea Garatzen-ek eta Elhuyar-ek, eskualdeko alkateekin batera, Bizilabe Tolosaldea-ren aurkezpenean
Tolosaldean, STEAM (zientzia, teknologia, ingeniaritza, artea eta matematikak) alorrean eta haiei lotutako profesioetan parteh-hartze handiagoa izateko, eskualdeko komunitatearekin hausnartzea eta sustapen lana egitea da proiektuaren helburua.
Tolosaldea Garatzen-ek 2018an onartu zuen TOLOSALDEA SARETZEN Plan Estrategikoan (2018-2025), “Eco-industria 4.0” lan programaren barruan, “Formazioa eta talentua barneratzea eta sustatzea” lan ildoa. Testuinguru horretan eta helburu horiei erantzuteko BIZILABE TOLOSALDEA proiektua abiatu da eskualdean, Elhuyarrekin elkarlanean. Horren adierazle, gaur sinatu dute hitzarmena Iker Urruzola Aizpuruak, Tolosaldea Garatzen-eko lehendakariak eta Jon Abril Olaetxeak, Elhuyarreko zuzendari nagusiak. Bertan izan dira ere, udaletako alkateak.
Datuak
- Europak zientzialari eta teknologo asko beharko dituela aurreikusten da eta epe laburrean profesional horien faltak ondorio negatiboak ekar ditzake ekonomian.
- Zientzia eta teknologiaren inguruan gazteek interesa eta jarrera positiboa duten arren, gutxiengo batek baino ez du hautatzen halako graduak ikastea.
- Estatu mailako unibertsitateko ikasleen %54,3a emakumezkoa den arren, ingeniaritza eta arkitektura bezalako karreretan %26ra jaisten da kopuru hau.
Bizilabe ikerketa zentroen sarea
Halako erronkei erantzuteko urteak darama elhuyar STEAM Hezkuntzak. Aitziber Lasa Iglesias Elhuyar STEAM Hezkuntzako arduradunak azaldu duenez, 2011n ekin zioten BIZILABE gazteentzako zientzia eta teknologia zentroen-sarea eraikitzeko proiektuaren diseinuari. Sei urtetan zehar, Europan, estatu mailan zein Euskal Herrian STEAM (zientzia, teknologia, ingeniaritza, artea eta matematikak) alorreko adituekin elkarlanean aritu eta esperientzia ugari ezagutu ostean, Alemaniako eredua ikusita, Euskal Herrian ere gazteentzako estatuko lehen ikerketa zentroa, Bilbon zabaldu zuen Elhuyarrek 2017an. Ordutik Bizilabe, ikerketa-zentroen sarea hedatuz joan da eta dagoeneko Nerbioi-Ibaizalbal eskualdeko 8 herritara, Ermuara, Soraluzera, Elgoibarrera eta orain, Tolosaldera iritsi da Bizilabe.
Bizilabe 10-19 urte bitarteko gazteentzako ikerketa-zentro bat da, aisialdi-guneetan kokatzen dena, non sormena garatzen eta ikerketak egiten aritzen baitira gazteak, diziplina anitzeko ingurune independiente batean, ikasgelako edo programa zurrun baten prsiorik gabe, alegia, curriculumetik eta eskola-ordutegietatik kanpo. Haur eta nerabeak zirikatzen ditugu teoriak eta esperimentuak beren kasa gara ditzaten, zientziarekiko eta tekonolgiarekiko grina oso gaztetatik pizteko eta abentura zientifikoei ekiteko inspirazioa eskuratzeko helburarekin.
Horrez gain, Bizilaberen ardatz nagusietako bat, gazteen etorkizunerako eskualdeko eragile desberdinen arteko lankidetza sustatzea da.
Bizilabe Tolosaldean
STEAM edukietan sakondu eta STEM bokazioak piztearekin, Tolosaldeko beharrei erantzuteko asmoa du, beraz, Tolosaldeko Bizilabek. Gaur sinatutako hitzarmenak, honako ekintzak jasotzen ditu:
- 1. SARETZEN ETA STEAM ARLOKO TREBAKUNTZA
- Hezkuntza arautuko ikastetxeetako arduradunei, Udal teknikariei eta eskualdeko enpresei trebakuntza eskaintzearekin batera, euren STEAM arloarkiko eta Bizilaberekiko konpromisoa lortu nahi da.
- 2. ESKUALDEKO GAZTEEN STEAM DIAGNOSIA
- Eskualdeko gazteen artean STEAM arloari buruzko eta STEM profesioen inguruko pertzepzio azterketa egingo da.
- 3. BIZILABE TOLOSALDERA LOKALIZATU
Eskualdeko herrietan tailerrak eskainik dira eta urte osoko jarduera jarraitua eskeiniko duen zentro piloto bat martxan jartzea bilatuko da.
