/ Aktualitatea / Diversidad /
16 jarduera antolatu ditu, martxotik ekainera bitarte. Izen-ematea online egin beharko da.
2021eko udaberriko zikloa martxoaren 15ean hasiko da eta ekainaren 3an amaituko da. Ohi bezala, ikastaroak, tailerrak, irakurketa eta musika saioak eta solasaldiak egongo dira. Guztira, 16.
- Andrezaharraren manifestua liburuari buruzko solasaldia
- Xilografia tailerra linoleo gainean
- “Osasun mentalaren gaineko begirada feminista bat” (I) eta (II) tailerrak
- Bilera birtualak egiteko tailerra
- Batukada feminista
- Euskal emakume idazleen irakurketa feminista taldea
- “Krisia eta osasun emozionala: Erresilentzia eta ahalduntzeko tresnak” ikastaroa
- Munduko emakumeen literatura taldea
- “Mugak: Joan ziren emakumeak, iristen diren emakumeak” hitzaldia
- “Emozioak sormenaren bidez kudeatzen” tailerra
- Wikipedian genero arrakala gainditzeko lantegia
- Nork bere burua ondo zaintzen eta maitatzen ikasteko tailerra
- “Nik ere baditut ikasketak. Nola homologatu?” saio informatiboa
- Mugimendu feministaren historiari buruzko saioak
- “Ahalduntze taldeak: Zerk motibatzen ditu emakumeak? Zer aldaketa baloratzen dute?” hitzaldia
Izen-emateak
Aurten, izen-ematea online izango da, Kultur Etxean sortu litezkeen pilaketak ekiditeko.
Izena ematerakoan zalantzarik izanez gero, edo laguntza behar izanez gero, 943 61 03 83 telefonora deitu daiteke, edo berdintasuna@tolosa.eus helbidera mezu bat bidali.
Izena eman ondoren, Kultur Etxean ordaindu ahalko da matrikula (doan ez bada), kreditu-txartelaren bidez.
