/ Aktualitatea / Diversidad /
15 jarduera izango dira, irailaren amaieratik abenduaren hasierara. Izen-ematea, udalaren webgunean egin beharko da, online.
Gaur abiatu da Tolosako Emakumeen Jabetze Eskolako udazkeneko saioetan izena emateko epaa. Zikloa irailaren 28ean hasiko da, eta abenduaren 15ean amaitu.
Emakumeen ahalduntzea eta parte hartze soziopolitikoa sendotzeko ekintzak izango dira guztiak: hitzaldiak, tailerrak, ikastaroak, irakurketa taldeak… Horietako saio batzuk, Guretzako izeneko espazioaren barruan antolatutakoak, hain zuzen, migrazio ikuspuntutik ere jorratuko dira. Bost saio horiek, Tolosaldea Garatzeneko Aniztasun Sailak eta Tolosako Udaleko Berdintasun Sailak elkarlanean antolatutakoak dira.
- Ez dio axola zure mailak, ekarri argazki kamera!
- Autoestimua, ahalduntzea eta emakumeen arteko aliantzak
- Batukada feminista
- Xilografia tailerra (linoleo gainean): Sormena eta aldarrikapenak
- Munduko emakumeen literatura Taldea
- Euskal emakume idazleen irakurketa feminista Taldea
- Adinkeriak ez diezagula ametsik ezabatu!
- Autodefentsa feminista jaietan eta gure bizitzetan
- Emakume margolariak itzalean: Piztu ditzagun argiak!
- “Palabras dislocadas”: Errezitaldi musikatua
GURETZAKO: Jatorri ezberdinetako emakumeentzako gunea
- “Babesleak” ipuin ilustratuaren aurkezpena
- Rap-tailerra jabekuntza feminista lantzeko
- Xaboi naturalak egiten ikasteko tailerra
- Migratzen dugunean atzean uzten duguna
- Erromantikoa politikoa ere bada: Maitasunagatik jada sufritzen ez duten emakumeak
Izen-ematea
Tolosako Udalaren webgunean eman beharko da izena, eta zailtasunik izanez gero, informazio edo laguntza eske jo daiteke Kultur Etxera.
IZENA EMAN
