Irailaren 12an zabalduko da Jabetze Eskolako udazkeneko jardueretan izena emateko epea

17 hitzorduko egitaraua osatu dute, iraila amaieratik urtarrilera.

Irailaren 30ean abiatuko da Tolosako Jabetze Eskolaren udazkeneko programazioa. Aurten 17 jarduera antolatu dituzte, horietako lau Tolosaldea Garatzeneko Aniztasun Sailak sustatzen duen jatorri anitzeko emakumeentzako Guretzako gunearen barruan.

Sexu-genero identitate askotariko kolektiboen errealizateak auzitan jarri eta irtenbideak proposatzera bideratutako ekintzak dira guztiak, esperientziak eta jakintzak partekatzeko. Horrela, gorputzaz disfrutatzeko, errebindikazioak produzitzeko, diskurtsoak lantzeko edota artea sortzeko ekintzak izango dira guztiak.

Izen emateak eta ordainketak

Datorren astelehenean, hilaren 12an, zabalduko da izena emateko epea, eta online egin beharko da https://www.tolosakoudala.org/berdintasuna/ helbidean. Inork internet bidez egiteko zailtasunik baleuka, Kultur Etxean, 943 67 03 83 telefono zenbakian, edo berdintasuna@tolosa.eus helbidean eskatu beharko du laguntza. Izena eman ondoren, matrikula Kultur Etxean bertan ordaindu beharko da, kreditu-txartelarekin.

Egitaraua

Irrintzi Tailerra
Irailak 30, 18:00-20:30, Kultur Etxea.
Euskaraz. Matrikula: doan

Autoestimua, konfidantza eta jabetzea
Urriak 3, 10, 17, 24 (astelehenak). 16:00-18:00, Kultur Etxea.
Euskaraz eta Gazteleraz. Matrikula: 5€.

Batukada feminista
Urriak 4, 18; azaroak 8, 22; abenduak 13; urtarrilak 10, 24; otsailak 7, 28. 18:30-20:30, Laskorain Ikastola (Usabal).
Euskaraz. Matrikula: 10€.

Xilografia tailerra (linoleo gainean)
Urriak 4, 18, 25; azaroak 8, 15, 22, 29 (astearteak). 18:00-20:00, Kultur Etxea.
Euskaraz. Matrikula: 10€.

Argazkilaritza dokumentala begirada feministetatik
Urriak 5, 19, 26; azaroak 2, 9, 16, 23, 30 (asteazkenak). 18:00-20:00, Kultur Etxea.
Euskaraz. Matrikula: 10€.

Munduko emakumeen literatura Taldea
Urriak 5, azaroak 2, abenduak 14, urtarrilak 18, otsailak 8, martxoak 1 (asteazkenak). 18:00-20:00, Udal Liburutegia.
Gaztelaniaz. Matrikula: 5€.

Eskuak argitara! Autosufizientzia elektrizitatean
Urriak 6, 13, 20, 27; azaroak 3, 10, 17 (ostegunak). 17:00-20:00, Kultur Etxea.
Gaztelaniaz. Matrikula: 10€.

Euskal emakume idazleen irakurketa feminista Taldea
Urriak 20, azaroak 17, abenduak 15, urtarrilak 19, otsailak 9 (osteguna). 
18:00-20:00, Udal Liburutegia.
Euskaraz. Matrikula: 5€.

Emakumeak musika-geletan
Urriak 24, astelehena. 10:00-12:00, Eduardo Mocoroa Musika Eskola.
Euskaraz. Matrikula: doan.

Emakume margolariak itzalean: piztu ditzagun argiak!
Urriak 26; azaroak 2, 9, 16, 23, 30 (asteazkena). 15:30-17:30, Kultur Etxea.
Euskaraz eta gaztelaniaz. Matrikula: 10€.

Boxeo ikastaroa (9-14 urteko neska gazteentzat)
Azaroak 4, 11, 18 (ostiralak). 17:00-19:00, Kultur Etxea.
Euskaraz. Matrikula: doan.

Autodefentsa feminista
Urtarrilak 13, ostirala (16:30-20:00) eta urtarrilak 14, larunbata (10:00-14:00), Kultur Etxea
Gaztelaniaz. Matrikula: doan.

Erotika tailerra: gorputza boteretzea
Urtarrilak 16, 23, 30; otsailak 6 (astelehenak). 17:00-19:00, Kultur Etxea.
Euskaraz. Matrikula: 5€.

GURETZAKO: Jatorri anitzeko emakumeentzako gunea

Mugitu mugikorrarekin!
Urriak 6, osteguna. 17:00-19:00, Kultur Etxea.
Gaztelaniaz. Matrikula: doan.

Alternatiba ekofeministak eraikitzen: ingurumenaren degradazioa, klima-aldaketa eta desplazamendu behartuak
Urriak 15, larunbata. 09:30-13:30, Kultur Etxea.
Gaztelaniaz. Matrikula: doan.

“Las Poderosas”. Antzerkia eta solasaldia
Azaroak 11, ostirala. 18:00-19:30, TOPIC
Gaztelania. Matrikula: doan.

Xaboi naturalak egiten ikasteko tailerra
Urtarrilak 28, larunbata. 09:00-12:30, Ereite Elkartea (San Esteban, 20).
Euskaraz eta Gazteleraz. Matrikula: doan.