/ Aktualitatea / Empresa /
Lehiberri Eguna ospatu genuen beste urte batez. Eskualdeko enpresen eta eragile ezberdinen arteko topaketa izan zen.
2025ko Lehiberri Egunak aipagarriak izan ziren hainbat alderdi eduki zituen. Sabin Azua izan genuen gonbidatu berezi bezala gure artean eta ondoren hainbat enpresek aitortza ezberdinak jaso zituzten Tolosaldea Garatzenekin egindako lanagatik. Bukatzeko harremanak sendotzeko espazio bat izan genuen.
Lehiberri Egunaren lehenengo zatian Sabin Azua, EUSMEX-eko presidentea izan genuen gonbidatutzat. Bere eskutik “Ziurgabetasun garaian estrategiak sortuz” inguruko aurkezpen inspiratzaile bat entzuteko aukera izan genuen.
Ondoren, eskualdeko enpresa ezberdinei aitortzak banatu ziren. Aitortza hauek arlo ezberdinetan eman ziren eta irizpide moduan enpresek Tolosaldea Garatzenekin aurrera eramandako proiektu eta ekimen ezberdinak erabili ziren.
Aitortzak horrela gelditu ziren:
Enpresa berritzailea: AREKSON GROUP
Talentuaren kudeaketa: FERRAGUINOX
Enpresa jasangarria: MECANIZADOS HARRI
Enpresaren ibilbidea: CASA ECEIZA eta TROQUELES TAG
Ekitaldiarekin amaitzeko, bertaratutakoek elkarren arteko harremana indartu eta lankidetza sustatzeko espazioa izan zuten giro informalago batean.
Eskerrak eman nahi dizkizuegu bertaratu zineten guztioi
