#EnergiaBulegoa
Eguzki-energia termikoa
/ Proiektuak / Energia Bulegoa / Energia Etxean /
Zer da eguzki-energia termikoa?
Beroa lortzeko eguzkiaren energia baliatzen duen sistema da. Uhin elektromagnetikoen bidez garraiatzen den beroa xurgatzen dute materialek, gero berokuntzarako gordetzeko. Energia iturri berriztagarria da, agortezina.
Nola funtzionatzen du?
Eguzkiaren uhinek, eguzki-panelean jotzean, hauen barnean dauden hodiak berotzen dituzte. Hodi horiek anti-izoztaile bat garraiatzen dute trukatzaile batera. Behin trukatzailean, anti-izoztailea duten hodiek beroa isurtzen diete ura garraiatzen duten hodiei. Ura biltegi batera eramaten da, erabilia izan dadin.
Zein motatako eguzki-energia biltzaileak daude?
Tenperatura baxuko biltzailea
Normalean etxeko edo igerilekuetako ura berotzeko erabiltzen da. 1.8 eta 2.1 m² arteko tamaina izan ohi du, eta 150 eta 200 litro bitarteko biltegi termiko batera konektatuta izaten da.
Tenperatura ertaineko biltzailea
Azalera txikiagoko panelak badira ere, 100 eta 300ºC arteko tenperaturak lortzeko baliatzen da. Biltzaile zilindriko parabolikoak erabiltzen dira beroa xurgatu eta ispilu islatzaileen bidez hodiak berotzeko.
Tenperatura handiko teknologia
300ºC-tik gorako tenperaturak lortzen dira, 2000ºC-ra arte. Kasu horietan dorre batean biltzen da erradiazioa, barnean lurruna sortuz. Lurrun horrek turbina bat jartzen du martxan, elektrizitatea sortuz.
Zer izan kontuan etxean eguzki-energia termikoa instalatzeko?
2006. urteaz geroztik, eraikin berriak edo instalazio termikoa barne hartzen duen birgaitze baten pean dauden eraikin guztiak behartuta daude, legez, eguzki-kolektore termikoak instalatzera, etxeko ur beroaren beharrak asetzeko. Urrats hauek jarraitzea komeni da.
Azterketa teknikoa
Kolektoreak instalatuko dituzun lekuaren ezaugarriak ezagutzeko egin beharko duzu, xurgatutako energia maximoa kalkulatzeko eta errentagarritasuna neurtzeko. Obrak behar ote diren ikusi, jarri beharreko plaka motak zehaztu, gutxi gorabeherako aurrezpena kalkulatu eta aurrekontu bat prestatuko dizute, horren arabera.
Instalazioa
Udalek hobariak eskaintzen dituzte horrelako instalazioak dituzten obretarako, informa zaitez gure bulegoan eta aprobetxatu abantaila horiek. [Harremanetara botoia]
Mantentze-lanak
Enpresa espezializatu baten eskutik egin mantentze-lanak (normalean, instalazioa egiten duen enpresak berak egin ditzake).
Nahikoa al da eguzki-energia termikoa urte osoko kontsumorako?
%70
Eguzki-energia termikoaren instalazioak ur bero sanitarioetarako eta klimatizaziorako dituzun energia-beharren % 70 estaliko du, baina eguzki-erradiazio txikiagoko urte-uneetarako laguntza-sistema konbentzional batek osatu behar du beti. Elektrizitatea edo gasa bezalako sistema klasiko bat izan daiteke, baita beste iturri berriztagarri batzuk ere, biomasa edo energia geotermikoa kasu.
Errentagarria al da?
Berokuntzaren eta etxeko ur beroaren kontsumoan %70era arte aurrezteko aukera ematen du
Hasierako inbertsioa 5 urtean amorizatzen da, eta bere bizitza erabilgarria 20 urte ingurukoa da.
Eredu energetiko iraunkorra da, energia subirautza gauzatzea eta ingurumena errespetatzea ahalbidetzen duena.
Energia lortzeko beste hiru modu...
Plaka fotovoltaikoak
Zer da eta nola lortu?
Biomasa
Zer da eta nola lortu?
Energia geotermikoa
Zer da eta nola lortu?