Tolosa Gourmet Kluba - Tolosaldea Garatzen

Tolosa Gourmet

Turismo Enogastronomikoaren Sustapenerako Kluba

Gastronomiaren alorreko turismo eskaintza modu bateratuan lantzeko talde publiko-pribatua

/ Sailak / Turismoa / Tolosa Gourmet Kluba

Bisitariek Tolosaldea dasta dezaten, elkarlanean

Tolosaldea gastronomian erreferente da. Bertakoak dira erretegi eta gozogile ospetsuenak; kalitatezko produktu askoren ekoizpen gune da; eta gero puntako jatetxe eta tabernetan dastatu daitezke. Eta, horrela, gastronomia eskualdea ezagutzeko aitzakia bihurtu da.

Turismo gastronomikoa bultzatzeko lan egiten du Tolosa Gourmet klubak, sektoreko eragile pribatuak eta erakunde publikoak batuz.

Gastronomiarekin zerikusia duen eskaintza guztia antolatu eta egituratzea, ekintzak antolatuz turismo-jarduera dinamizatzea, eta kalitatezko zerbitzua bermatuz turista-fluxuak handitzea du helburu.

Aholkularitza

Produktuaren hobekuntzarako garapen agentziako teknikari espezializatuen babesa dute kideek.

Sustapena

Banakakoak beharrean, promozio ekintzak optimizatzeko estrategiak bateratzen dira, lehentasunen eta segmentuen arabera.

Identifikazioa

Tolosa Gourmet marka bezeroen aurrean erabiltzeko aukera, kalitate ziurtagiri gisa.

Espezializazioa

Eskualde mailako sare espezializatuan parte hartzeko aukera, agente publiko eta pribatuekin singergiak sustatuz.

Koordinazioa

Enogastronomia turismoarekin lotutako ekintza guztien eskualde mailako koordinazioa, eskualdearen posizionamendu orokorraren mesedetan.

Hobekuntza

Produktuen kalitatearen kontrol eta hobekuntza, bezeroari kalitatezko eskaintza bat bermatuz.

Bisita gidatuak

Gure gastronomiaren jatorria ezagutu eta dastatzeko aukera

Alderantzizko esperientzia bizitzea proposatu genuen: ekoizle baten lana lehen eskutik ezagutzea, eta, gero, bere produktuak Tolosaldeko jatetxe batean dastatzea.

Bisita gidatua

Aitzinako Tolosako kale sagardotegiak ezagutuz

Kale antzerki, bertso eta malabaren bidez, garai batean Tolosan zeuden kale sagardotegien historiaren kontakizuna egin zen hainbat bisita gidatutan.

Erretegiei buruzko bideoa

‘Sua. Txuleta Tolosan’

HARAGI, Txingarraren eta Haragiaren Nazioarteko Topaketaren barruan, kazetarientzako 100% Tolosa afaria antolatu eta Tolosako Erretegien promozio bideoa prestatu da.

KIDEAK