SOMMELIERITZA IKASTAROA

• Turismo enogastronomikoa dinamizatzeko mentorizazio-programaren baitan antolatutako talde prestakuntza. 
• Ardoa, sagardoa eta garagardoa: ezagutu, zerbitzatu eta nola kontserbatu. 

Testuingurua 

Tolosa Gourmet, Tolosaldeko Turismo Enogastronomikoa sustatzeko klubaren baitan, elkarlan publiko-pribatuaren ondorioz eta eskualdeko enpresen beharrei erantzunez antolatutako ikastaroa da Sommelieritzako ikastaro hau. 

Ostalaritza sektorean bereziki garrantzitsua den ezagutza da bertan landuko dena eta eskualdean ekoitzitako erreferentziei emango zaie lehentasuna. 

Ekimen honekin sektoreari babesa eman nahi zaio turismo jasangarri eta lehiakor bat garatzeko giltzarria baitira.  

Formazioaren helburua: 

Tolosaldeko ostalaritza sektorearen (bereziki turistei begira lanean dihardutenak) gaitasunak hobetzea, ardoa, garagardoa eta sagardoaren (Tolosaldean eta EAEn ekoitzitako produktuei lehentasuna emanez) oinarrizko ezagutza handituz eta hiru edari hauen erabilera, zerbitzua eta kontserbazioa hobetzea helburu izanik, bai barran nahiz jantokietan. 

4 SAIO
Ikastaroa lau egunekoa da eta 17:00-20:00 artean izango dira saioak astearteetan, Tolosaldeko jatetxe ezberdinetan: 

1. Ardoak: azaroak 4. Berrobiko Iriarte jatetxean.

• Ardoaren ekoizpena (mahastia eta mahastiak, mahats-barietate nagusiak, klimaren eragina, uzta, etab.) 
• Elaborazio-prozesuak eta upategiko lan nagusiak 
• Ardoaren estilo eta mota nagusiak 
• Dastaketaren sarrera: ardo baten dastaketari nola aurre egin. Fase nagusiak (ikusmen, usaimen eta dastamen), ardoa deskribatzeko elementuak, osagaiak, aromak eta zaporeak 

2. Ardoak eta txakolina: azaroak 18. Amasa-Villabonako Hika upategian.

• Jatorri-deiturak, eskualdeak eta ekoizpen-eremuak (nazionalak eta eskualdekoak)
• Mahats-barietate garrantzitsuenak
• Ardoaren maridajearen printzipioak eta adibideak
• Edarien kontserbazioa, tratamendua eta zerbitzua (aretoan zein barran). Kopak eta bestelako tresnak

3. Garagardoak: abenduak 2. Tolosako Iparra Taproom-ean.

• Osagaiak, haien tratamendua eta garagardoaren elaborazio-prozesu oinarrizkoak
• Garagardo estilo nagusiak: marka handiak eta artisauak, nazionalak eta eskualdekoak
• Dastaketa-teknikaren sarrera eta degustazioa
• Garagardoaren kontserbazioa, zerbitzua eta maridajea

4. Sagardoak: abenduak 16. Tolosako Fronton jatetxean.

• Sagarroaren ekoizpena (sagarrak, haien laborantza, barietate nagusiak, klimaren eragina, etab.)
• Lagarrean/upategian egiten diren lan nagusiak eta elaborazio-prozesuak
• Sagarro estilo eta mota nagusiak (eskualdekoak eta nazionalak)
• Dastaketa-teknikaren sarrera eta degustazioa
• Sagarroaren kontserbazioa, zerbitzua eta maridajea

Izen-ematea 

15 plaza izango ditu ikastaroak eta doakoa izango da eta doan izango da. 
Izena emateko epea urriak 30 artekoa izango da eta garmendia@tolosaldea.eus helbidera idatzi edo whatsapp-a bidali beharko da 606 758 577 zenbakira.  

OHARRA: Lehentasuna izango dute Tolosa Gourmet turismo gastronomikoko klubera atxikitutako enpresetako langileek.