/ Aktualitatea / Turismo /
- Eskualde mailan egiten den lehen ELEa da, aitzindaria izan da Tolosaldea turismo plan baten eragina neurtzerakoan.
- Ebaluazioaren emaitzek erakutsi dute turismoaren aurrean ere, herri txikienak direla zaurgarrienak.
Testuingurua
Udal Legea (2016), Euskadiko Toki Erakundeei buruzkoa.
«Udalerrietako egoera soziolinguistikoan eragina izan dezaketen proiektu edo plangintzak onesteko prozeduran, ekimen horiek euskararen erabileraren normalizazioari dagokionez izan lezaketen inpaktua ebaluatuko da, eta ebaluazio horren emaitzen arabera egoki irizten zaizkien neurriak proposatuko dira».
Tolosaldea Garatzeneko Administrazio Kontseiluak, batetik legearen betebeharrari erantzunez, eta bestetik, euskararen egoerak kezkaturik, ELEa egitea erabaki zuen Tolosaldeko Turismo Jasangarriko Planari.
Euskara datuetan
Eskualde mailako bataz bestekoa positiboa da euskararen ezagutza mailan, biztanle gehien dituzten herrietan euskararen ezagutzak gora egin duelako.
Turismoa datuetan
2024ean: 654 plaza, 65 establezimendu.
2019tik %44 igo da establezimendu kopurua eta %13 plaza kopurua.
Establezimenduak eskualde osoan banatuta daude.
2024eko urteko bataz besteko okupazioa %41,69 baina estazionalitatea nabarmena da; datu hoberenak udako hilabeteetakoak izanik ( %83,42 abuztuan). 2019tik %17,29ko igoera izan du bataz besteko okupazio tasak.
Loaldien jatorria:
- %52,33 Estatua
- %30,25 Atzerritarra
- %15,08 EAE
- %2,34 Nafarroa
Tolosaldeko Turismo Jasangarriaren Plana
Zer lortu nahi dugu honekin? Helburu nagusia:
Ondare eta natura baliabideak modu jasangarrian aintzat hartuta, Euskadiko eta Espainiako sistema turistikoan hobeago integratu nahi da Tolosaldea, turismoa desestazionalizatzen, deskontzentratzen eta errenta turistikoa banatzen laguntzeko. Tolosaldea aukera-gune bihurtu nahi da, bertako biztanleen bizi-kalitatea hobetzeko eta lan-aukerak sortzeko.
HELBURUAK
- TURISMOA DESESTAZIONALIZATZEA
- TURISMOA DESKONTZENTRATZEA
- ERRENTA TURISTIKOA BANATZEA
- BIZTANLEEN BIZI-KALITATEA HOBETZEA
- LAN-AUKERAK SORTZEA
ELE Prozesua eta ondorioa
Euskararen proiekzio indizea, hauskortasun indizea eta bilakaera indizea landu dira.
Tolsoaldeko Turismo Jasangarriko Planaren helburua desestazioalizazioa lortzea denez, udako okupazio tasa urte osoko hilabeteetara zabalduko balitz, izango genukeen turista kopurua hartu da kontutan, proiekzioa egiterakoan. Eguneko Tolosaldean 497 turista izateko hipotesiarekin egin da lana.
Eskualde mailan ez da inpaktu negatiborik aurreikusten baina herriz herriko analisia eginez, herri txikienek inpaktu negatiboa izatera iritsi daitezkeela aurreikusten da, udako okupazio tasak urte osora pasako balira.
Proposatu diren neurri zuzentzaileak:
- Hizkuntzari lotutako formazioa integratzea sustatzeko eta hizkuntza paisaia zaintzeko markoa sortu eta elkarlana bultzatu (Lehiberri, TG, UEMAeta Udalak).
- Tolosaldearen turismo-kargaren diagnostiko bat egiten hasi. Puntu zehatz batzuetan, froga bezala.
- Enpresa eta establezimenduetan euskararen erabilera garatzeko sentsibilizazio kanpainak diseinatu.
- Lizitazioetako hizkuntza-irizpideen jarraipena nola egin daitekeen pentsatu.
- Enpresetan/enpresentzako egiten diren formazioetan euskarazko formakuntza
Ondorio nagusia beraz, epe ertainean ez bada ondorio ezkorrik izateko arriskurik ikusten ere, turismoa neurtu eta euskara ere turismo politikak diseinaretzakoan kontutan hartzeko konpromisoarekin jarraitzea izan da.
