/ Aktualitatea / Empresa /
Asteburu honetan Tolosaldean izandako euri eta uholdeek hainbat kalte eragin dituzte eskualdean. Egoera honek enpresetan ere ezbehar nabarmenak sortu ditu.
Tolosaldea Garatzenetik, Gipuzkoako Foru Aldundiarekin elkarlanean, eta egoeraren larritasuna kontuan hartuta, kalteen dimentsioa baloratu nahi dugu eta horretarako zuen laguntza behar dugu.
Eskertuko genizueke zuen enpresan uholdeek eragin dituzten kalteen berri ematea. Informazio honek behar diren baliabideak koordinatu eta ahal den neurrian laguntza eskaintzea ahalbidetuko digu.
Mesedez, jarri gurekin harremanetan ahalik eta azkarren lehiberri@tolosaldea.eus emailera idatziz, honako informazioa helaraziz:
- Kalteen deskribapen laburra (instalazioetan, ekipamenduan, produkzioan, etab.)
- Kalteen aurrekontu orientagarri bat, ahal bada
- Zuen harremanetarako pertsona eta telefono/emaila
Eskerrik asko aldez aurretik zuen laguntzagatik. Ziur gaude elkarlanean arituz gero, egoera honi aurre egiten errazagoa izango dela.
Argazkiaren egilea: Ataria (Tolosaldeko Komunikazio Taldea S.M.)
