Eusko Jaurlaritzak enpresa txiki eta ertainei zuzendutako 2022ko laguntza-plana aurkeztu die, gaur, Tolosaldeko enpresei 

Informazio-jardunaldia Lehiberri Zentroan egin da eta, bertan, enpresek programa bakoitzaren xehetasunak ezagutu dituzte 

Eusko Jaurlaritzak gaur goizean aurkeztu die Tolosaldeko enpresei Ekonomiaren Garapen, Jasangarritasun eta Ingurumen Sailak enpresa txiki eta ertainentzako prestatutako 2022eko laguntza-plana. Tolosaldea Garatzekin elkarlanean antolatutako ekitaldia Lehiberri Zentroan egin da, eta 30 enpresa baino gehiagok parte hartu du. Laguntzen aurkezpenaren ostean, enpresek networking-a egiteko aukera izan dute. Amaitzean, Ederfil Becker enpresa bat bisitatu dute. 

Cristina Oyon, SPRI Taldeko Teknologia, Berrikuntza eta Jasangarritasun arloko zuzendaria; Leyre Madariaga, Eraldaketa Digitalaren eta Ekintzailetzaren zuzendaria; Aitor Cobanera, SPRIko Enpresa Sustapeneko zuzendaria, Enpresa Garapenerako Euskal Agentzia; Maite Subinas, Basque Trade & Investment-eko Enpresa Zerbitzuen arduraduna; Iñigo Ansola, Energiaren Euskal Erakundearen zuzendaria; Txema Fernandez, Ihobeko Ekonomia Zirkularreko zuzendaria;  eta Raul Perez, Elikagaien Kalitate eta Industriako zuzendaria izan dira ekitaldian. Bakoitzak dagokion arloko programa zehaztu du, enpresek beren beharretara ondoen egokitzen den laguntza aurkitu dezaten.

Enpresa Txiki eta Ertainentzako 2022ko laguntza-planak 74 programa biltzen ditu eta 600 milloi baino gehigoko aurrekontua du. Laguntza horien helburua da ekonomia suspertzea eta enplegua sortzea, arreta berezia eskainiz Euskadiren garapen inklusibo eta jasangarriari. Aurten I+G+b programetara eta Trantsizio Energetikora bideratutako laguntzak Eusko Jaurlaritzak ETEei zuzendutako laguntza-programen % 70 baino gehiago dira.