/ Aktualitatea / Diversidad /
Gazteak Ongi Etorri egitasmoak iritsi berri diren gazteak herri giroan murgiltzea, elkar ezagutzea eta euskarara gerturatzea ditu helburu.
Azken bi urteetan Tolosaldera bizitzera etorri edo ikastetxeren batera iritsi berri diren haur eta gazteei harrera ona egiteko aisialdi gunea da Gazteak Ongi Etorri.
6 eta 16 urte arteko gazteak biltzen ditu, astero, eskolaz kanpoko orduetan, ondo pasa eta gaztetxo gehiago ezagutzeko. Azken batean, herri giroan murgiltzeko.
Urtxintxa elkarteko begiraleek dinamizatuta, jolasak, kirol saioak, filmak edota irteerak egiten dituzte, taldean. Euskal kulturara eta euskarara gerturatzeko jarduerak ere egiten dituzte, hizkuntza bizia dela erakusteko helburuarekin.
Amasa-Villabonan eta Tolosan osatu da taldea, nahiz eta eskualde osoko haurrei zabaldutako eskaintza den.
VILLABONA
6-9 urte. Astelehenak: 17:30-19:30 | Gaztelekua
TOLOSA
9-12 urte. Astearteak: 17:30-19:30 | Gazte Topagunea, Kultur Etxea
12-16 urte. Asteazkenak: 17:30-19:30 | Gazte Topagunea, Kultur Etxea
IZENA EMAN
