Tolosaldeko Turismo Jasangarriaren Plana

#Turismoa

Tolosaldeko Turismo Jasangarriaren Plana

Eskualdeko garapen turistiko egoki baterako bide orria

/ Proiektuak / Turismo / Tolosaldeko Turismo Jasangarriaren Plana

Proiektu hau aktibo dago

2 milioi euro, hurrengo hiru urteetan proiektuak garatzeko

Tolosaldeak 2 milioi euroko diru-laguntza jaso du, Europako Next Generation funtsekin Eusko Jaurlaritzako Turismo, Merkataritza eta Kontsumo Sailak osatutako Euskadiko Jasangarritasun Turistikoko bigarren Lurralde Planeko proiektuak garatzeko. Tolosaldeko Jasangarritasun Turistikoaren Planean biltzen dira proiektuok. Tolosaldea Garatzenek garatu du, udalekin eta sektoreko eragileekin batera egindako prozesu parte hartzaile baten ondotik, eta oinarria 2021ean egindako Tolosaldeko Marketin Plana izanik.

Trantsizio berde eta jasangarria

Energia eraginkortasuna hobetzea

Gehiago irakurri

Trantsizio digitala

Gehiago irakurri

Lehiakortasuna

Gehiago irakurri

Zer lortu nahi dugu honekin? Helburu nagusia

Ondare eta natura baliabideak modu jasangarrian aintzat hartuta, Euskadiko eta Espainiako sistema turistikoan hobeago integratu nahi da Tolosaldea, turismoa desestazionalizatzen, deskontzentratzen eta errenta turistikoa banatzen laguntzeko. Tolosaldea aukera-gune bihurtu nahi da, bertako biztanleen bizi-kalitatea hobetzeko eta lan-aukerak sortzeko.

Gainerako helburuak

Ikusgarritasuna

Eskualdearen bereizgarrien bidez, Euskadiko eskaintza turistikoaren barruan ikusgarritasuna eta ezagutza indartzea.

Garapen sozioekonomikoa

Tolosaldearen garapen sozioekonomiko eta jasangarria sustatzea, kalitatezko enpleguaren eta digitalizazioaren bidez.

Komunikazioa

Komunikazio euskarri guztiak posizionamendu berrira egokitzeko urratsak definitu eta lehenestea.

Gastronomia eta natura

Euskadi mailan, turistikoki gastronomia eta natura alorretan duen erreferentzia indartzea.

Kokalekua

Euskadiren bihotzean, hiriburuetatik eta kostaldetik hurbil duen kokaleku pribilejiatuari etekina ateratzea.

Gure kultura

Euskal nortasun eta kultura balioan jartzea, bisitariari ezagutza eta horiekiko errespetua adieraziz.

Landa-eremua

Euskadiko benetako landa eremua ezagutzera eman eta gerturatzeko esperientziak eskaintzea eta balioan jartzea.

Eskaintza osagarria

Potentzial turistiko handieneko herrien inguruan eskaintza ordenatu bat sortzen lagunduko duen irudi bat finkatzea.

Produktu turistikoak

Xede publikoen eta posizionamenduaren araberako produktu eta esperientzia turistikoak garatzea.

Jasangarritasuna

Jasangarritasunaren sustatzaile izatea, turismo jasangarriko helmuga turistiko gisa posizionatzeko eta Euskadiren posizionamenduan laguntzeko.

1. Ardatza Trantsizio berde eta jasangarria

Tolosaldeko ondare naturala balioan jartzeko, zaintzeko edota aberasgarriago egiteko lau proiektu egingo dira. Aurrekontua: 338.750 € Exekuzio epea: 2024-2025

Egingo diren proiektuak

Alkiza

Fagus-Alkiza

Fagus-Alkiza, Hernio-Gazumeko Interpretazio Zentroa lekualdatu eta tresna digitalen bidez eskaintza osatu.

Fagus-Alkiza

Gaur egun, Fagus-Alkiza, Hernio-Gazumeko Interpretazio Zentroa, Alkizako udaletxeko ganbaran dago. Alkizako Udalak plazan kokatuta dagoen Erretore Etxea erosi du eta bertan kokatuko da interpretazio zentro berria, bisitariei eskainiko zaizkien zerbitzu ezberdinen artean. Proiektu honekin, interpretazio zentroa kokapen berrira eraman, bisitariari zentroaren bisita erraztu eta eskaintza erakargarri bat izatea lortu nahi da.

Amezketa

Pello Zabala Gunea

Gune honek 2022ko apirilean ireki zituen ateak eta bere helburua Amezketako ondare natural eta kulturala dinamizatzea dira.

Pello Zabala Gunea

Proiektu honekin, Aralarko Parke Naturalaren Interpretazioaren atalean sakondu nahi da tresna digitalen bidez, berez guztiontzat irisgarria ez den Arritzagako bailara zoragarria bisitari guztiei gerturatu eta Ierabizkar errotaren bisita aberasteko.

Tolosaldea

biodibertsitatea

Biodibertsitatea hobetzea eta erosioaren aurkako neurriak hartzea

Honetaz gain, biodibertsitatea hobetu eta zabalkundean laguntzeko, mendi ibilbideen inguruetan berreskuratu daitezkeen hezeguneak, basoak edo fauna eta floraren habitatak aztertuko dira.

2. Energia eraginkortasuna

Mugikortasun ikuspegitik helduko zaio gai honi. Oinez edo bizikletan ibiltzeko Ibilbideen egungo eskaintza aberastu, osatu eta erakargarriago bihurtu nahi da. Aurrekontua: 622.000€ Exekuzioa: 2023-2024-2025

Egingo diren proiektuak

Tolosaldea

bide-sarea

Mendi bideen sarea, bide berdeak, BTT ibilbideak, atsedenlekuak…

Tolosaldea oinez eta bizikletaz

Gaur egungo bide eta eskaintzaren diagnosia egingo da, eta hori hobetzeko ekintzak zehaztu: mendi bideen sarea, bide berdeak, BTT ibilbideak, atsedenlekuak…

Tolosaldea

Mugikortasuna

Mugikortasun turistikoaren azterketa egin, eta irtenbideak martxan jarriko dira.

Mugikortasun turistikoa

Auto pilaketak ematen diren eremuetan irtenbideak lantzea, autokarabana guneak sortzea, ibilgailu elektrikoen karga guneak, oinez mugitzeko erraztasunak, bizikleta sistemak, e.a. dira azterketa horretan jorratuko diren puntuak.

3. Ardatza: Digitalizazio eta inteligentzia turistikoa

Turista eskualdera iritsi, edota eskualdean dagoenean, baliabide turistikoetara iristeko komunikazio kanalak errazteko eta hobetzeko ekintzak barnebiltzen ditu lan-lerro honek. Aurrekontua: 246.775€ Exekuzioa: 2023-2024-2025

Egingo diren proiektuak

Tolosaldea

web

Eskualdeko web turistikoaren garapenarekin jarraitzea da asmoa, hobekuntza gehiago txertatuz.

www.tolosaldea.eus

Baita liburuxka digitalak, eskualdeko eragileekin partekatutako sare sozialen eta edukien plangintza, online publizitatea edo ikus-entzunezkoen garapena ere…

Tolosaldeko turismo bulegotik eskualdeko eskaintzara eta ondarera gerturatzeko errealitate birtualeko tresnak ezartzea.

“Social listening” edo entzute aktiboaren jarraipenerako tresnak ezarriko dira, inzidentzia eta abisuak kudeatzeko tresnak, e.a. Helmugaren kudeaketa adimendunean sakondu eta hobekuntzak planteatzeko sistema sortu nahi dira

4. Ardatza: Lehiakortasuna

Lau esparrutako proiektuak garatuko dira: turismo kulturalaren eskaintza sortu eta hobetzen, irisgarritasuna lantzen, turismo aktiboaren eskaintza hobetzen, eta bertako produktuak balioan jartzeko eskaintza garatzen. Aurrekontua: 772.500€ Exekuzioa: 2023-2024-2025

Turismo kulturaleko proiektuak

Literatura

Asteasu eta Obaba, Bernardo Atxagaren bi lekuak ezagutzeko bi kilometroko ibilbidea da.

Muskerraren bidea

Bernardo Atxaga euskal idazlearen mundu literarioan oinarrituta, Asteasun kokaturiko ibilbide hau dinamizatzeko helburuarekin, helburuko publiko ezberdinetara bideratzeko ekintza berriak proposatu nahi dira.

Zizurkil

Gerra zibila

Saseta defentsa-sistemaren Interpretazio Zentroa sortu nahi da, Zizurkilgo Plaza Etxeberri eraikinean.

Saseta Interpretazio Zentroa

Espainiako Gerra Zibilean Andatza mendilerroan sortutako defentsa-sistema izan zen. Eusko gudariek 34 egunez geldiarazi zituzten erreketeak, ia armarik gabe, Aduna, Zizurkil, Asteasu eta Larraul inguruan.

Larraul

Museografia

Eskualdeko landa-ingurunearen azken hamarkadetako eraldaketa du aztergai museoak.

Larraulgo ekomuseoa

Nekazaritzari lotutako piezak nagusi diren arren, erlijioa, merkataritza, kirola, gerra edota festari lotutako elementuak ere badaude. Museoan hobekuntzak txertatu nahi dira, esate baterako, bisita autogidatua egiteko aukera ezartzea.

Hernialde eta Alkiza

Euskara

Ibilbide bat, Tolosaldeak euskararen irakaspenean izan duen garrantzia azpimarratu eta euskaldunberrien bizipenak balioan jartzeko

Kutxidazu bidea Ixabel

1990eko hamarkadan argitaratutako umorezko eleberrian oinarrituta, ibilbidea garatu nahi da Hernialde eta Alkizako lurretan barrena. Tolosaldeak berebiziko garrantzia izan du euskararen irakaspenean, batik bat, landa-eremuko baserriek. Zentzu horretan, euskaldunberrien bizipenetan landa eremuak izan duen papera balioan jarri nahi da.

Tolosaldea irisgarria.

Tolosaldea

Irisgarritasuna

Eskualdeko baliabideen inbetarioa osatu nahi da, irisgarritasuna eta seinaleztapena kontutan hartuz

Irisgarritasuna eta seinaleztapena

Baliabide turistikoak aztertzerako orduan, MICE edo aisialdiko segmentuan sar daitezkeenak ere aztertu nahi dira. Bestalde, Tolosako Plaza Zaharrean kokatuta dagoen eskualde mailako turismo bulegoa irisgarriagoa egiteko ekintzak burutu nahi dira. Turismo baliabideen seinaleztapena ere hobetu nahi da, azken finean, hauetara iristeko erraztasunak eman nahi zaizkio bisitariari.

Turismo aktiboa

Abaltzisketa

Abentura

Abentura parkea

Txindokiko Itzala

Zuhaitz parkea berritu nahi da, eta Txindokiko Mariren figura indartzeko ekintzak gauzatu.

Abaltzisketa

Kirola

Euskal Herriko Trail estazioak hiru sarrera ditu. Horietako bat Larraitzen (Abaltzisketa).

Trail estazioa

Larraitzen kokatuta dagoen parkean ibilbideak eta harrera-gunea hobetu nahi dira, korrikalariei dutxa, komun eta takila zerbitzua eskainiz.

Tokiko produktuak

Amezketa

Gastronomia

Bi produktuok tradizio eta ibilbide sakona dute, batik bat, Amezketan eta Aralar inguruan.

Taloa eta mondejua

Garai bateko erroten funtzionamenduarekin eta artzaintzaren tradizioarekin lotuta, bi produktu horien inguruko xehetasunak ezagutzeko eta ekoizpen moduetara gerturatzeko esperientzia gastronomikoak diseinatu eta sortu nahi dira.

Orexa

Gastronomia

Oihan-Txiki Kooperatibaren ustiategia bisitatzeko harrera-zentroa sortu nahi da.

Orexako produktuak

Auzolanean sortutako herri proiektua da Oihan Txiki kooperatiba. 1753 ardik osatzen dute gure artaldea, hau Gipuzkoako latxa artalde handiena izanik, eta gazta mota ugari ekoizten dituzte. Ustiategia bisitatzeko esperientzia sortzearekin batera, Orexako elikagaien salmenta, dastatze eta erakusketa gunea jarri nahi dira.

Aduna

Sagardogintza

Bi sagardotegi daude Adunan: Zabala eta Aburuza

Adunako sagardoa

Aduna sagardogintzari lotutako herria da, sagar ekoizle hainbat izateaz gain, bi sagardotegi ere badituelako. Garrantzia hori balioan jarriko duten esperientzia gastronomikoak diseinatu eta sortu nahi dira.

Tolosa

Elikadura

Esperientzia gastronomikoak indartu nahi dira Tolosako babarrunaren, gozogintzaren eta Azokaren inguruan

Tolosako produktuak

Tolosako gozogintza eta Tolosako Babarruna balioan jarriko duten esperientzia gastronomikoak diseinatu eta sortu nahi dira. Tolosako Azokaren dinamizaziorako bisitariei begirako ekintzak antolatzea ere aurreikusten da.